Moliya vazirligi qoshidagi Axborot texnologiyalari markazi bilan hamkorligimiz haqida e’lon qilamiz!
Markaz byudjet tashkilotlari xodimlarining moliyaviy masalalari bilan shug‘ullanadi — jumladan, davlat tashkilotlari, shifoxonalar, maktablar va boshqa davlat idoralari xodimlari Markazning moliyaviy tasarrufida.
Markaz bilan memorandum imzolaganimiz tufayli, endilikda Ravnaq-bank davlat xodimlari uchun RBK-Mobile mobil ilovasida turli imkoniyatlarni yarata boshlaydi.
Masalan, hozir ilovamiz orqali bolalar bog‘chalari uchun to‘lov qilish mumkin. Kelajakda esa, Markaz bilan birgalikda bir qator boshqa imkoniyatlarni ham joriy qilamiz. Oylik monitoringi, oliy o‘quv yurtlar shartnomasini to‘lash yoki davlat shifoxonalari xizmatlari uchun to‘lov qilish shular sirasida.
Bundan tashqari, RBK-Mobile orqali davlat ishchilariga mikroqarzlar va mikrokreditlar berish ham rejalashtirilgan.