“Ravnaq-bank” XATB tomonidan 2019-yil 29-avgustda O’zbekiston Respublikasi mustaqilligining 28 yilligi munosabati bilan “Jonajon O’zbekistonim, mangu bo’l omon!” mavzusida o’quv seminar tashkil etildi. Seminarda bank rahbariyati, O’zbekiston yoshlar ittifoqi markaziy apparatining yoshlar jinoyatchiligini oldini olish va huquqiy targ’ibot bo’limi boshlig’i Alimov Akmalbek Abdumajidovich va bank hodimlari ishtirok etishdi.
Ushbu seminarda jonajon O’zbekistonimizni mustaqillikka erishishda bosib o’tgan yo’llari va hozirgi kunda jahon hamjamiyatida tutgan yuksak o’rni to’g’risida keng doirada davra suhbati olib borildi. Seminar davomida “Yoshlarga oid davlat siyosati to‘g‘risida” O‘zbеkiston Rеspublikasining Qonuni va uning yoshlarni vatanparvarlik, fuqarolik tuyg‘usi, bag‘rikenglik, qonunlarga, milliy va umuminsoniy qadriyatlarga hurmat ruhida, hayotga bo‘lgan qat’iy ishonch va qarashlarga ega qilib tarbiyalashga oid bo’lgan yo’nalishlari atroflicha muhokama qilindi.